الصفحة الرئيسية لواحة أشعار الشاعر محمود حمزة

فهرس واحة أشعار الشاعر محمود حمزة

رباعيـــــــة جديدة

توهـه بقلـم الشاعر محمـود حمزة

يا مصـــــر محـلاكـــــــى >هنا<

ربـــــاعيـــــــــــــــــــة

ربــــاعيتـــــــــــــــان

عـــــــــــــــــــــــــــــودة

آه مــــن جـمــالـهـــــــا

رحماك قلبى رحماك

مــــــــولاتـــــــــــــى ...

ربــــاعيــــــــــــــــــــــــــــــات

مـــــــن ســـــــــكـــات

رفــقـــــــــــاً بــــــــــى

أبــــــا القـــاســــــــم

فضـــفضـــة لمرعـــــى

جــنــيـــــــــــــــه ورق

الأولــــــــــــــــــــه ..آه

يا مصر محلاكى بقلم : الشاعر محمود حمزة

يا مصر محلاكى

كلمات الشاعر محمود حمزة

يا مصر محلاكى والثورة زفاكى

المهر كان غالى دم ويسواكى

صرخ الشهيد م الآلم

ومات يحيى العلم

ومعاه أنا فداكى

يا مصر محلاكى

لاجلن تشوفى النور

رفرف يا حر ودور

زقزق كما العصفور

على طرف شباكى

يا مصر محلاكى والثورة زفاكى

ـ نُشرت هذه القصيدة فى موقع دنيا الرأى رابط :

http://pulpit.alwatanvoice.com/articles/2012/03/11/253870.html

الأوله ..آه بقلم : الشاعر محمود حمزة

الأوله ..آه
بقلم : الشاعر محمود حمزة

الأوله ..آه
والتانية...آه
والتالتة....آه
الأوله آه يا بلد
والتانية آه ولو ننجلد
والتالتة آه ضاع الولد
الأوله آه يا بلد وعاش الحرس
والتانية آه ولو ننجلد صوتنا الخرس
والتالتة ضاع الولد........... لما انقرص
الأوله آه يا بلد وعاش الحرس وبميت ألف قيد متكبلين
والتانية آه ولو ننجلد صوتنا الخرس وأأمر يا سيدنا نقول آمين
والتالتة آه ضاع الولد لما انقرص من الشمال وم اليمين
آه يا بلد تلمك زمارة عايقة ممسخرة ويفرقك صوت عسكرى عامل كمين
آه يا بلد حرام عليكى صونى العشرة واتلمى
دا القرش كلنى جوه حضنك والبحر احمر من دمى
يعيش ممدوح وألف روح بتروح ..لمى فى الفلوس لمى
وتقولى ليه صايبنى الهم ..؟ ما فطمتنى م الحنان أمى
أروح لمين بس وأقدم شكوتى فيكى
مفيش غيرك حينصفنى فباقدم شكوتى ليكى
حفظتيها وحرقتيها وبلت الدموع كمى
ولعت بجاز...وميت برواز لهم الناس على همى
ما حقى ضاع فى قطرك..وطيارتك..وعبارتك..وكمان فى حقى بتذمى
كرهتك ولا حبيتك..حتفرق أيه لا بتحسى ولا تشمى
ما هو ناسك زيي غلبانة أبويا واخويا ودا عمى
يقولولك ماعدتيتش البلد دى بلدنا..دى بلد اسيادنا....يااااا غمى
وآخرتها بأقولهالك بصوت عالى بموت فيك وفى عينيكى مهما عملتى....ولو طلعتى عين أمى

...............................................

ـ نُشرت هذه القصيدة فى موقع دنيا الرأى رابط :

http://pulpit.alwatanvoice.com/articles/2012/03/02/253031.html

ـ نُشرت هذه القصيدة فى موقع سما فلسطين الأدبية رابط :

http://al7qeqa.blogspot.com/2012/02/blog-post_2408.html

جنيه ورق بقلم : الشاعر محمود حمزة

جنيه ورق

بقلم : الشاعر محمود حمزة

يحكى أنَ من زمان

خمسين سنة لأ قول كمان

كان فيه جنيه من الورق

قال أيه كان أغلى من الدهب

كان سحره أكتر م العجب

كان جندى واقف فى الميدان

يصرخ بهع.. مين هناك ؟؟

يجرى الدولار زى الجبان

كان فيزا يابنى للغنى

كان ألعوبان

كان مبنى أصله على الضمير

وللأقتصاد الحر..

كان ترجمان

يا سلام على الزمان

وده اللى عشانه أتقتل

رجل المعارك والسلام

آصله جاتله فكرة طايشة

ساعة تجلى فى المنام

قال أيه نخليه بدل الدولار

فى الجمارك والرسوم

شفت فكره يا سلام

يعنى يبقى الواد حتاتة والواد حمام

قاعدين على القهوة بقلاطة

وييجى ليهم الأجانب

ومعاهم كمان العم سام

قال أيه

يبدلوا الدولار بالجنيه

دلوقتى ليه راحت عليه

مش هو هو دا الجنيه

ولا أيه

ومش هو دا اللى عوموه

ووسط المحيط راح رموه

فغرق يا ناس

والله حرام

مش كانوا حتى يعلموه..العوم يا ناس

لأ للوحوش مشيوا وسابوه

قوم فى ثانية راح كلوه

حد يقول لى

هو لسه قيمته فيه

ولا بيدعموه

أصل الحبر والورق

أغلى من اللى مكتوب عليه

و
أأييييييههههه
...................
بس خلاص

..............................................

ـ نُشرت هذه القصيدة فى موقع دنيا الرأى رابط :

http://pulpit.alwatanvoice.com/articles/2012/02/29/252909.html

ـ نُشرت هذه القصيدة فى موقع سما فلسطين الأدبية رابط :

http://al7qeqa.blogspot.com/2012/02/blog-post_3241.html

فضفضة لمرعى
بقلم : الشاعر محمود حمزة

يا مرعى ليه شايفك كده معارض وضد الموج

ما تنسى يا ريس كده مبادئك وقول مونولوج

حتاخد بوسة من نانسي على الخدين

وتغنى دويتو مع هيفا وضمن الفوج

...........................

أخدت أيه وأنا زيك غير طعم الخوف

حتقولى شئ كده فى دمى بيجرى حروف

منلحق نفسنا يا بنى وعلى كل لون نتلون

لتبقى نهايتى أنا وأنت كما دبح خروف

..........................

شفت القاضى ما كان راضى يزورها

كلامه راح فى الفاضى وخلوه برضه يدورها

وخرسوا كل صوت قال باطل

وخلوا الشعب ياكل كوسه لأ وهو اللى قورها

.........................

أعمل أيه ما أنا همى دا فاق الحد

طق حنكى بصراخى ومردش حد

فقلت كفاية بقى وامشى مع الرايجة

وقولت ارخى كده حبالى كفاية شد

..........................

حقولك حاجة فى الآخر ورزقى ورزقك على الله

كلامى السابق فضفضة فارغة والله فى سماه

لأعيش يا بنى أأقول الحق فى وشوشهم

دا مين ده اللى زرع حاجة وغيره جناه

..............................................

ـ نُشرت هذه القصيدة فى موقع دنيا الرأى رابط :

http://pulpit.alwatanvoice.com/articles/2012/02/29/252897.html

ـ نُشرت هذه القصيدة فى موقع سما فلسطين الأدبية رابط

http://al7qeqa.blogspot.com/2012/03/blog-post_01.html

أبا القاسم بقلم : الشاعر محمود حمزة

أبا القاسم
بقلم : الشاعر محمود حمزة

أبا القاسم
بينك وبين الأبداع يشترك قاسم
من ذا يضاهيك عزة القلم
وأنت فارسه وأمره الحاسم
يا عزة فلسطين أقبل يا شيم الكرام
أرفع الرأس وامضى فينا بوجهك الباسم
فوقوفنا لك تحية الإجلال وأدنى المراسم
ولتبقى فلسطين خلود عزتنا
وليبقى حذاء العروبة على صدر عدونا جاسم

.....................................................

ـ نُشرت هذه القصيدة فى موقع دنيا الرأى رابط :

http://pulpit.alwatanvoice.com/articles/2012/02/29/252828.html

ـ نُشرت هذه القصيدة فى موقع سما فلسطين الأدبية رابط :

http://al7qeqa.blogspot.com/2012/03/blog-post_452.html

رفقاً بى بقلم : الشاعر محمود حمزة

رفقاً بى

بقلم : الشاعر محمود حمزة

رفقا بى فلقد أبيت وإلا أن أخط ما يليق
ظلمتنى لكونها لم تكن بالفريق
كيف تسقط الأسماء للعين
وهى فى القلب حافرة طريق
أخت العراق فى القلوب تربعت
من نسجها أبدعت المعانى فصارت
لكل ذى حس رفيق
وما أنا إلا بتابع دربك الأبداع
أتغيبين عنى كنور الصبح يمحو ظلمتى
ثم تأتينى بدلا من النور حريق
إنى أختصمت فيك ضميرك الصحو
فردى لى حقى الذى ألقيته فى واد سحيق
فأنا ببابك متظلما لا أغادره
حتى يتنفس من كان فى الظلم غريق

...............................................

ـ نُشرت هذه القصيدة فى موقع دنيا الرأى رابط :

http://pulpit.alwatanvoice.com/articles/2012/02/29/252812.html

ـ نُشرت هذه القصيدة فى موقع سما فلسسطين الأدبية رابط

http://al7qeqa.blogspot.com/2012/03/blog-post_4770.html

من سكات بقلم : الشاعر محمود حمزة

من سكات

بقلم : الشاعر محمود حمزة

أنا اللى قلت لأ للتعديلات
أنا اللى أتسحل وفى عز التلج بات
أنا اللى راحت عيونه
أنا اللى مات
أنا اللى كسرت عضامى المدرعات
بتخونينى يا بلد
طب سيبينى
أطلع أجيب النور
ولو مت تانى
أترحمى علىَّ من سكات
مين اللى شل لسانك
مين غرقك
مين اللى سمك
مين اللى قتل فيك الحاجات
إيدى أنا
ولا اللى رايح جاى فى طيارات
دا بايدى رجعت ضحكتك
وخففت بلوتك
انا بايدى شلت
اللى باقى م الولاد
لما فاتك تدفنيهم
بتخونينى يا بلد
أنا ابنى أنس
وابويا جلال
مات لما خاف ع العيال
وكان خايف عليكى
لتنسى الذكريات
أنا أهو بين إيديكى
تخونينى تقتلينى
أنا حالف لترجعى شابة
حتى لو نسيتى اللى فات
و هان عليك
ولو مت أبقى ادفنينى من سكات

..............................................

ـ نُشرت هذه القصيدة فى موقع دنيا الرأى رابط :

http://pulpit.alwatanvoice.com/articles/2012/02/29/252788.html

ـ نُشرت هذه القصيدة فى موقع سما فلسسطين الأدبية رابط

http://al7qeqa.blogspot.com/2012/03/blog-post_4180.html

رباعيات

رباعيـــات

(1)

نعم أحبك حب الجنون ....

حب الليل لصوت السكون

علم جديد لمعنى الحياة ...

اضاف لكونى كيف أكون

....................................

(2)

أسهر ليالى الشعر وأقعد وأقوموتنزف دموعى حبر ومالهاش لزوممشاعرى وحنينى شوية ورقأجندة قديمة فى دولاب هدوم ... وعجبى

..................................

(3)

مهما كانت الدنيا برد حضنك دفا

لأن معاك الحزن ماله مكان راح واختفى

عيون حبيبتى مكحلين حب وحنين

والنظرة منهم للمجروحين فيها الشفا

.....................

(4)

لفينى يا امه فى الكفن ....

وأكتبى على قبرى حر ومات فى ثورته ....

وما تشتكيش يا امه من ريحة العفن ...

مش منى دى ريحة اللى كره حريته...

.................................

(5)

أنا من جاهين يا أخوانا عطشان وأرتويت
وتهت أنا فى الشعر وإحساسى لقاله بيت
كان لى عنده رجا ...

يسامحنى لو عكيت

........................................

مولاتى ...بقلم : الشاعر محمود حمزة

مولاتى ...

بقلم : الشاعر محمود حمزة

فى بلاطك الملكى أسير
يهيم عشقا فى القوام الأمير
يرنو إلى الهودج متلصصا
فالنظر منك للعوام عسير
فجمالك قد خسف القمر
وقانونه عطل الدساتير
وها هو شعرى مسه السحر
فأضحى من الوصف مستجير
مولاتى ...
على الأرض معيشتى وعيشى
فكيف الوصول ؟
وليس لى جناحين أطير
الوصل منك سادس المستحيلات
ساحيا بعهد لما دونك ضرير
ولتظلى أنت سكن سمائى
ويظل حبى إليك من الاساطير
وداعاً .....مولاتى.....

...............................

ـ نُشرت هذه القصيدة فى موقع دنيا الرأى رابط :

http://pulpit.alwatanvoice.com/articles/2012/02/27/252687.html